"İranın rəsmi dairələri kredit reytinqinin bərpa olunması və neft bazarında itirdikləri payın geriyə qaytarılması haqqında düşünürlər. Bu fikri 2016 FT İran Maliyyə Sammiti çərçivəsində prezidentin administrasiya rəhbəri Məhəmməd Nəhavəndi bildirib: "Şübhəsiz ki, bazar payı geriyə qaytarılmalıdır. Kiminsə hasilat səviyyəsini dondurmaq niyyəti varsa bunu bizim itirdiyimiz bazar payının əldə edəcəyimizdən sonra mümkün olacaq", deyərək firikini tamamlayıb".
Məsələ ilə bağlı SİA-ya açıqlama verən fəlsəfə doktoru, ekspert Emin Əliyev deyib ki, digər xəbər İranın Mərkəzi Bankının sədrinin müavini tərəfindən səsləndirilib: "Belə ki, onun fikirincə terrorçuluğun maliyyələşdirilməsinə qarşı normativ aktlar qəbul olacağından sonra İranın suveren reytinq alması məsələsi də gerçəkləşdirilə bilər. Son zamanlaradək dünyanın aparıcı reytinq korporasiyaları - "Fitch", "Moodys", "Standard & Poors" ABŞ və daha sonra Avropa Birliyi tərəfindən İrana qarşı sanksiyalarının təzyiqini bu və ya digər formada nəzərə alırdı".
E.Əliyev əlavə edib ki, siyasi motivlərə əsaslanaraq "Standard & Poors" ümumiyyətlə İrana reytinq qiymətləndirilməsini etməyib: "Moodys 2002-ci ilə qədər İranın reytinqini B2 səviyyəsində müəyyən edərək onun investisiya cəlbediciliyini yüksək spekulyativ səviyyəsində səciyyələndirib. 2002-ci ildən sonra ABŞ-ın sanksiyaları davam etdirildiyi üçün agentlik ümumiyyətlə reytinqi ləğv etdi. Fitch agentliyi isə sonuncu dəfə İranın reytinqini 2006-cı ildə müəyyən edərək, ölkəyə B+, yəni investisiya reytinqindən 4 pillə aşağı bir göstərici müəyyən edib".
Bütün xəbərlər Facebook səhifəmizdə
USD
EUR
GBP
RUB