"Elektron hökumət" portalına daxilolmaların sayı sürətlə artmaqda davam edir. Rabitə və Yüksək Texnologiyalar Nazirliyinin mətbuat xidmətindən SİA-ya verilən xəbərə görə, "Elektron hökumət" bülleteninin noyabr buraxılışına istinadən, təkcə oktyabr ayında portala 354,607 daxilolma qeydə alınıb. Portala müraciət edənlərin ümumi sayı isə 108,319 nəfər olub. Həmin şəxslər 1,439,982 olmaqla, müxtəlif səhifələrə keçid ediblər, 746,559 xidmətə müraciət edib və portala sərf etdikləri vaxt ortalama 5 dəqiqə 39 saniyə təşkil edib.
Oktyabr ayı ərzində portala müraciət edənlərin 20.2 faizini yeni istifadəçilər, 79.8 faizini isə təkrar müraciət edənlər təşkil edib.
Onu da qeyd edək ki, statistik uçotun aparıldığı tarixdən - 2012-ci ilin dekabrından 2015-ci ilin oktyabr ayının 31-ə qədər portala ümumilikdə 9,537,237 daxilolma qeydə alınıb.
Bütün xəbərlər Facebook səhifəmizdə
USD
EUR
GBP
RUB