Azərbaycanda neft hasilatının qismən azalmasının
səbəbi 2008-ci ildə Xəzərin milli sektorunda yerləşən \"Azəri-Çıraq-Günəşli\" (AÇG) yataqlar blokunda istismar olunan platformada qaz sızması hadisəsi ilə
bağlıdır. SİA-nın
məlumatına görə, bu barədə Azərbaycan Dövlət Neft Şirkətinin prezidenti Rövnəq
Abdullayev bildirib.
Onun sözlərinə görə, həmin hadisədən sonra platformada
hasilat, o cümlədən yeni quyuların qazılması dayandırılıb və qazma
texnologiyası tamamilə dəyişdirilib ki, həmin müddət ərzində platformada neft
hasil olunmayıb.
Bununla yanaşı, R.Abdullayev bildirib ki, ümumiyyətlə, Azərbaycana hazırda ildə 50 mln. ton neft hasilatı kifayət edir: "Bu həcm
hazırda həm ölkənin investisya proqramlarının həyata keçirilməsinə, həm də
Dövlət Neft Fondunun ehtiyatlarının artırılmasına imkan verir. Hazırda bundan
artıq həcmdə neft çıxarmaq bizə lazım deyil".
Qeyd edək ki, 2008-ci ilin sentyabrın 17-də AÇG-nin \"Mərkəzi Azəri\" platformasının yaxınlığında detektorlar vasitəsi ilə dənizdə
qaz sızması aşkarlanıb. Platformaların işinin dayandırılması nəticəsində AÇG
blokunda neft hasilatı təxminən 50%-dən çox azalıb.
2010-cu ildə Azərbaycanda hasil olunan neftin həcmi 51,1
mln. ton təşkil edib. Bu ilin ilk yedldi ayı ərzində isə ölkədə 27,7 mln. ton
neft hasil olunub ki, bu da ötən ilin yanvar-iyul aylarına nisbətən 6,7% azdır.
Ümumiyyətlə, 2011-ci ildə Azərbaycanda neft hasilatının
51,4 mln. tona çatacağı proqnozlaşdırılır. Hazırda Azərbaycanda gündəlik neft
hasilatı 1,1 mln. barel təşkil edir. Artıq 2014-cü ildə bu göstəricinin 1,3
mln. barelə çatacağı gözlənilir.
Bütün xəbərlər Facebook səhifəmizdə
USD
EUR
GBP
RUB