Azərbaycan Respublikası Prezidentinin "Azərbaycan Respublikası Daxili İşlər Nazirliyinin yol patrul xidməti əməkdaşlarının sosial müdafiəsinin gücləndirilməsi və yol hərəkətinin tənzimlənməsi sahəsində bəzi tədbirlər haqqında" 14 fevral 2011-ci il tarixli və "Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında" 23 May 2011-ci il tarixli Fərmanlarında verilmiş tapşırıqların icrası çərçivəsində Daxili İşlər Nazirliyinin Baş Dövlət Yol Polisi İdarəsinin (BDYPİ) daxili informasiya sisteminin Azərbaycan Respublikası Mərkəzi Bankı tərəfindən yaradılmış Kütləvi Ödənişlər üzrə Mərkəzləşdirilmiş İnformasiya Sisteminə (KÖMİS) inteqrasiya olunması üzrə işlər başa çatdırılıb.
Mərkəzin Bankın mətbuat xidmətindən SİA-ya verilən xəbərə görə, beləliklə respublika əhalisinə yol hərəkəti qaydalarının pozulması ilə əlaqədar törədilmiş inzibati xətalara görə cərimələrin ən müasir ödəniş mexanizmlərindən istifadə edilməklə rahat ödənilməsi imkanı yaradılıb.
Respublikada fəaliyyət göstərən KÖMİS-ə qoşulmuş 37 bankın və "Azərpoçt" MMC-nin toplam olaraq 1000-ə yaxın ödəniş məntəqəsində, eyni zamanda sistemin internet səhifəsində (www.apus.az) cərimələr haqqında məlumat almaq və ödəniş aparmaq mümkündür.
Bank və poçt şöbələrinin sistemə qoşulmuş iş yerlərində, həmçinin KÖMİS-in internet səhifəsində (www.apus.az) yol hərəkəti qaydalarının pozulması ilə əlaqədar törədilmiş inzibati xətalara görə cərimələrin ödənilməsi üçün müvafiq istifadəçi interfeysində təşkilatın adı seçilməklə abonent hesabı sahəsində ödəyicinin sürücülük vəsiqəsinin seriya və nömrəsi boşluq buraxılmadan birlikdə (misal: AB346672) daxil edilməlidir. Eyni zamanda sürücülük vəsiqəsi olmayan ödəyicilərdən ödənişlərin qəbul edilməsi üçün inzibati xəta üzrə tərtib olunmuş protokolun nömrəsini (misal: DYP123456 və ya YPİ/III125651) daxil etməklə də ödənişlərin qəbul edilməsi imkanı yaradılıb.
Bütün xəbərlər Facebook səhifəmizdə
USD
EUR
GBP
RUB