Fransa və Almaniyanın maliyyə nazirləri avronun qorunması üçün lazım olan hər şeyi edəcəklərinə söz veriblər
Fransa və Almaniya avronun qorunması üçün lazım olan hər şeyi edəcək və Avropa İttifaqının iqtisadi və siyasi inteqrasiyasına qarşı təhlükə yaranmasına yol verməyəcəklər. SİA-nın məlumatına görə, bu fikirlər Fransanın maliyyə naziri Fransua Barugenin və Almaniyanın maliyyə naziri Volfqanq Şoyblenin birgə məktubunda ifadə edilib.
Onlar qeyd ediblər ki, keçən həftə Brüsseldə avrozona ölkələrinin zirvə
toplantısında Yunanıstana maliyyə yardımı proqramının qəbul edilməsi Afinanın
indi üzləşdiyi büdcə çətinliklərinin aradan qaldırılması və Yunanıstan
iqtisadiyyatının rəqabət qabiliyyətinin bərpa edilməsi üçün şərait yaradır.
Məktubda deyilir: "Qəbul edilmiş tədbirlər Yunanıstanın
dövlət istiqrazları bazarında yaranmış böhranın bütövlükdə avro zonasında
böhrana çevrilməsinə yol verməməyə şərait yaradır. Lakin biz sadəlövh deyilik.
Avro zonasına etimadın bərpa edilməsi üçün təmkin, əzmkarlıq və uzaqgörənlik
tələb olunur".
Nazirlər etiraf ediblər ki, Yunanıstana yardım üçün təkcə yüz yeni paket
qəbul edilməsi avro zonasında böhranın yayılması riskini tamamilə aradan
qaldırmaq üçün kifayət deyil.
Baruen və Şoyble indiki böhrandan çıxmaq üçün avro zonasının üzvü olan
ölkələrin vergi siyasətlərinin uzlaşdırılması, onların büdcə intizamının
möhkəmlənməsini və avro zonası təsisatlarının daha da inkişaf etdirilməsini
zəruri hesab edirlər.
Bütün xəbərlər Facebook səhifəmizdə
USD
EUR
GBP
RUB
