Rusiyanın tərkibində kakao olmayan şəkərli qənnadı məmulatları ən çox Azərbaycanda alınır. SİA-nın məlumatına görə, Rusiyanın "İntesco Research Group" şirkəti apardığı araşdırmalar nəticəsində bu qənaətə gəlib.
Məlum olub ki, Rusiyada istehsal edilən, tərkibində kakao olmayan şəkərli
qənnadı məmulatlarının 24 faizi Azərbaycanda alınır. Bu göstərici üzrə sonrakı
yerləri Qazaxıstan (22 faiz) və Ukrayna (9 faiz) tutur.
Rusiya Federal Gömrük Xidmətinin məlumatına görə Rusiyada istehsal edilən şokoladı
və şokolad məmulatlarını istehlak edən üç əsas ölkə Qazaxıstan (26 faiz),
Ukrayna (22 faiz) və Azərbaycandır (13 faiz). Şəkərli qənnadı məmulatları
bazarı bütövlükdə qənnadı bazarının 53 faizdən çox hissəsini təşkil edir. Şirniyyat
bazarında ən böyük kateqoriya şokoladlı və şokoladlı-südlü şirə çəkilmiş
konfetlərdir. Şokolad, karamel, iris, draje, marmelad, pastila, saqqız da şəkərli
məmulatlar bazarına aiddir.
Qeyd edək ki, bu məhsulların əsas tərkibi şəkər və ya onun
əvəzediciləri, habelə şirinləşdirici komponentlərdən ibarətdir.
Bütün xəbərlər Facebook səhifəmizdə
USD
EUR
GBP
RUB
