"Nabucco" konsorsiumunun baş direktoru Reynhard Mitçek iyul ayında Azərbaycana səfər edəcək. SİA-nın məlumatına görə, Reynhard Mitçekin Azərbaycan Diplomatiya Akademiyası və Azərbaycan Respublikası Dövlət Neft Şirkətinin təşkilatçılığı ilə keçiriləcək V Bakı Yay Energetika Məktəbində iştirakı nəzərdə tutulur.
V Bakı Yay Energetika Məktəbi iyulun 2-dən 16-dək davam edəcək. Məktəbin işində Ekologiya və Təbii Sərvətlər, Sənaye və Energetika nazirliklərinin, Dövlət Neft Fondunun, xarici neft və qaz şirkətlərinin nümayəndələri iştirak edəcəklər.
Yay məktəbində Xəzər regionu ölkələrinin, ABŞ-ın bir sıra aparıcı universitetlərinin tanınmış professorları mühazirə oxuyacaq, enerji siyasətinin iqtisadi və siyasi əsasları, onun ətraf mühitə təsiri, regional inkişafa töhfəsi və digər məsələlər müzakirə olunacaq.
Bütün xəbərlər Facebook səhifəmizdə
USD
EUR
GBP
RUB