"“Sea Breeze” ingilis dilindən tərcümədə dəniz küləyi deməkdir. "Sea Breeze" demək olar ki, Bakı şəhərinin ətrafında yaradılacaq ən gözəl, ən geniş sahəyə malik olan şəhərcik olacaq". Bu sözləri SİA-ya açıqlamasında Liberal İqtisadçılar Birliyinin sədri, iqtisadçı-ekspert Akif Nəsirli deyib.
Onun sözlərinə görə, "Sea Breeze" gələcəyin şəhəridir: "İndi orada Prezident İlham Əliyev və birinci xanım Mehriban Əliyeva məktəbin və otel kompleksinin açılışında iştirak etmişdir. Ümumiyyətlə, bu şəhərin, bu kompleksin tikilməsi ilə Azərbaycana çoxlu xarici turistin cəlb edilməsi mümkündür".
Akif Nəsirli sözlərinə belə davam edib: "Artıq işlərin bir hissəsi yekunlaşıb. Yəni otel kompleksləri, istirahət mərkəzləri, digər tibb ocaqları tikilib istifadəyə verilib. Bilirsiniz ki, "Sea Breeze" həm də dənizdə süni ada yaradacaq və o süni adada beynəlxalq dəniz limanı tikiləcəkdir. Bu Ağalarovların layihəsidir, rəhbəri Emin Ağalarovdur və bu sahədə "Ağalarov" dövlət şirkətinin geniş təcrübəsi var. Yəni, müxtəlif ölkələrdə Türkiyədə, Rusiyada onların uğurlu turizm biznesləri var. Mən elə bilirəm ki, Azərbaycanda da bu biznesin çiçəklənəcəyi və Azərbaycan iqtisadiyyatına töhfə verəcəyi gözləniləndir. Turizm sahəsində Azərbaycanın çox ciddi potensialı var. Amma biz bu potensialdan beynəlxalq miqyasda yetərincə istifadə edə bilmirik. Bu potensialdan istifadə istiqamətində "Ağalarov" dövlət şirkətinin yaratdığı bu turizm şəhərciyi Azərbaycan iqtisadiyyatına böyük töhfələr verəcəkdir. Mən buna əminəm. Bu ümumiyyətlə iqtisadiyyatın çiçəklənməsində əsas istiqamətlərdən biri olmalıdır. Turizm sektoru bizdə çox axsayır və xarici valyutanın, xarici investisiyanın Azərbaycana qoyulması çox önəmlidir. Mən bu şirkətin fəaliyyətini alqışlayıram".
Ayşən Vəli
Bütün xəbərlər Facebook səhifəmizdə
USD
EUR
GBP
RUB