“Bütövlükdə qlobal dəyişikliklər dünya iqtisadiyyatına təsirsiz ötüşmür. Sözsüz ki, bu gün dünya iqtisadiyyatına ən çox təsir göstərən amil məhz Rusiya-Ukrayna müharibəsidir. Amma qeyd etmək lazımdır ki, Rusiya-Ukrayna müharibəsinin iqtisadiyyata təsirləri müharibənin başladığı ilk dövrlər ilə müqayisədə xeyli dərəcədə azalıb”. Bu sözləri SİA-ya açıqlamasında millət vəkili Vüqar Bayramov deyib.
Deputat bildirib ki, 2022-ci ildə dünya bazarında kəskin qiymət artımları müşahidə etdik: “Bu da nəticə etibarilə qlobal iqtisadiyyatda nəinki qiymət artımı, eyni zamanda durğunluq yaratdı.
Daha sonra iqtisadiyyatın Rusiya-Ukrayna müharibəsinin təsirləri, enerji bazarında baş verən dəyişikliklərə uyğunlaşmasını müşahidə etdik. Bu səbəbdən ötən dövrdə qlobal iqtisadiyyat xeyli dərəcədə müşaqişəyə və digər konfliktlərə uyğunlaşıb.
Azərbaycan iqtisadiyyatına təsirlərinə gəldikdə isə Rusiya-Ukrayna müharibəsi 2022-ci ildə Azərbaycan istehlak bazarında qiymət artımları ilə müşahidə olundu. Amma buna rəğmən Azərbaycan istehlak bazarında tarazlıq qorunub saxlanıldı. Hökumət tərəfindən həyata keçirilən tədbirlər imkan verdi ki, məhz müharibənin regional təsirləri, o cümlədən Azərbaycan iqtisadiyyatına təsirlərini minimumlaşdırmaq mümkün olsun.
Artıq Azərbaycan iqtisadiyyatı yenidən artım dövrünə qədəm qoyub. 2023-cü ildə də iqtisadiyyatda artım qeydə alındı, amma 2024-cü ilin ilk aylarında artım daha sürətli baş verdi. Bu isə ondan xəbər verir ki, indiki halda biz Azərbaycan iqtisadiyyatının stabil olaraq inkişafını müşahidə edirik”.
Bütün xəbərlər Facebook səhifəmizdə
USD
EUR
GBP
RUB