"Standard & Poor's (S&P) Global" beynəlxalq kredit reytinq agentliyi 2024-cü ilin iqtisadi artım proqnozunu Türkiyə üçün 3 faizə yüksəldib. SİA bu barədə Türkiyə saytlarına istinad edir.
"S&P Global" ABŞ ilə inkişaf etməkdə olan bazarlar üçün ilin ikinci rübünə olan iqtisadi proqnoz hesabatlarını dərc edib.
Hesabatda ABŞ iqtisadiyyatı ilə bağlı əmək bazarının güclü qalması səbəbindən 2024-cü ildə iqtisadi artımın 2,5 faiz olacağının gözlənildiyi bildirilib.
Hesabatda qeyd olunub ki, inkişaf etməkdə olan ölkələrin ümumi iqtisadi artım proqnozu 2024-cü il üçün 4,1 faizdən 4,2 faizə, 2025-ci il üçün isə 4,5 faizdən 4,6 faizə yüksəlib.
Hesabatda Çin üçün builki artım proqnozu 4,6 faiz səviyyəsində sabit saxlanılarkən, Hindistan üçün 6,4 faizdən 6,8 faizə yüksəldilib.
Türkiyə üçün 2024-cü il üçün artım proqnozu isə 2,4 faizdən 3 faizə, 2025-ci il üçün isə 2,7 faizdən 3 faizə qaldırılıb.
Bütün xəbərlər Facebook səhifəmizdə
USD
EUR
GBP
RUB