Türkiyənin Orta Şərq və Körfəz ölkələrinə ixracı yanvar-oktyabr dövründə 26,7 milyard dollara çatıb. SİA bu barədə Tükiyə saytlarına istinad edir.
Türkiye İxracatçılar Məclisinin (TİM) məlumatına görə, Bəhreyn, Birləşmiş Ərəb Əmirlikləri (BƏƏ), Fələstin, İraq, İran, İsrail, Qətər, Küveyt, Şimali Kıbrıs (Kipr) Türk Respublikası (ŞKTC), Livan, Suriya, Səudiyyə Ərəbistanı, Oman, İordaniya və Yəməndən ibarət Orta Şərq və Körfəz ölkələrinə ixracı ilin 10 ayında 26,7 milyard dollar olub.
Yanvar-oktyabr dövründə Orta Şərq və Körfəz ölkələri arasında ən yüksək ixrac 7,7 milyard dollarla İraqa olub. İraqı hər biri 4,4 milyard dollarla BƏƏ və İsrail, 2 milyard dollarla İran, 1,8 milyard dollarla Səudiyyə Ərəbistanı izləyib.
Eyni dövrdə ŞKTC-yə 1,3 milyard dollar, Suriya və Livana hər birinə 1,1 milyard dollar, Yəmənə 716 milyon dollar, Qətərə 591,6 milyon dollar, İordaniyaya 579,8 milyon dollar, Küveytə 454,8 milyon dollar, Omana 248,1 milyon dollar, Bəhreynə 122,9 milyon dollar, Fələstinə isə 103,9 milyona ixrac reallaşıb.
Beləliklə, yanvar-oktyabr aylarında bütün zamanların ən yüksək ixracı ŞKTC və Fələstinə edilib.
İlin ilk 10 ayında Orta Şərq və Körfəz coğrafiyasına ən yüksək ixrac hər biri 3,7 milyard dollar olmaqla "taxıllar, paxlalılar, yağlı toxumlar və məhsullar" və "kimyəvi maddələr və məhsullar" sektorları tərəfindən edilib.
Bütün xəbərlər Facebook səhifəmizdə
USD
EUR
GBP
RUB
