Azərbaycan Respublikasının Mədəniyyət və Turizm Nazirliyi 20-22 apreldə Qazaxıstanın Almatı şəhərində keçirilən "KİTF 2016" beynəlxalq turizm sərgisində təmsil olunur. Mədəniyyət və Turizm Nazirliyindən SİA-ya verilən xəbərə görə, sərgidə iştirak edən Azərbaycan nümayəndə heyətinin tərkibinə Nazirliyin Turizm şöbəsinin Turizm sənayesi ilə iş sektorunun müdiri Bəxtiyar Qılıncov, habelə "Millennium Tourism & Congress DMC", "Falcon Travel", "The Tour", "Billur tour", "Geo travel" və "Flame Tour" turizm şirkətlərinin, eləcə də, "Şahdağ" Turizm Mərkəzinin əməkdaşları daxildir.
Bununla yanaşı, sərgidə "Çinar Hotel & SPA Naftalan" mehmanxanası ayrıca stenddə təmsil olunur.
Sərgidə 46 kv.m-lik sahədə ölkəmizin turizm imkanlarını əks etdirən xüsusi stend quraşdırılıb. Stendimizə baş çəkən qonaqlara Azərbaycan turizmini təbliğ edən ingilis və rus dillərində reklam-çap məhsulları təqdim olunur.
Qeyd edək ki, bu il "KİTF 2016" sərgisində ölkəmizlə yanaşı, 31 ölkədən 300-dən artıq şirkət təmsil olunur. Mədəniyyət və Turizm Nazirliyi və yerli turizm şirkətləri artıq dördüncü dəfədir ki, "KİTF" beynəlxalq turizm sərgisində iştirak edir.
Bütün xəbərlər Facebook səhifəmizdə
USD
EUR
GBP
RUB