Sankt-Peterburq şəhərinin qubernatoru Georgi Poltavçenkonun Azərbaycana rəsmi səfəri çərçivəsində oktyabrın 1-də Mədəniyyət və Turizm Nazirliyinin və Sankt-Peterburqun Turizmin İnkişafı üzrə Komitəsinin birgə təşkilatçılığı ilə tədbir keçirilib.
Nazirlikdən bildiriblər ki, tədbirdə ölkəmizin və Sankt-Peterburqun turizm sənayesi nümayəndələri iştirak etmişdir.
Tədbiri giriş sözü ilə açan nazirliyin sektor müdiri Emil Səfərov Azərbaycanın turizm potensialı barəsində, həmçinin nazirlik tərəfindən son illər ərzində Sankt-Peterburq da daxil olmaqla, Rusiya Federasiyasında aparılan fəaliyyət barədə məlumat verərək video təqdimatla çıxış edib.
Daha sonra Sankt-Peterburqun Turizmin İnkişafı üzrə Komitəsi yanında şəhər turizm informasiya bürosunun direktor müavini Valeriy Malışeva Sankt-Peterbuqun turizm potensialı barəsində geniş məlumat verib.
20-dən artıq turizm şirkətinin iştirak etdiyi tədbir ikitərəfli görüşlər formatında davam etdirilib.
Bütün xəbərlər Facebook səhifəmizdə
USD
EUR
GBP
RUB