"İstərdim Müslümün adını daşıyan müsabiqəyə istedadlı gənclər gəlsin. Növbəti müsabiqə 2012-ci ilin oktyabrında keçiriləcək. Azərbaycandan da istedadlı gənclərin bu müsabiqədə özlərini sınamasını arzulayıram". SİA-nın məlumatına görə, bunu jurnalistlərə açıqlamasında dünya şöhrətli azərbaycanlı müğənni Müslüm Maqomayevin həyat yoldaşı Tamara Sinyavskaya deyib.
O bildirib ki, M.Maqomayevin adını daşıyan festivalın start götürməsi çox sevindiricidir: "İstərdim gənclər özlərini bu müsabiqədə sınasınlar. Müslüm Maqomayevin ruhu burdadır və hər şeyi görür. Onun adı ilə bağlı bu cür layihələrin həyata keçirilməsi çox gözəl haldır və bunun davamlı olacağına inanıram. Hələ uzun illər onun adını daşıyan layihələr olacaq. Müslümü sevdiyim kimi Azərbaycanı da sevirəm".
Qeyd edək ki, Bakıda Müslüm Maqomayevin büstünün qoyulası nəzərdə tutulur. Büstün M.Maqomayevin adının verildiyi musiqi məktəbinin qarşısına qoyulması planlaşdırılır.
Bütün xəbərlər Facebook səhifəmizdə
.jpg "Ukrayna niyə təkləndi?")
USD
EUR
GBP
RUB
