Kinoaktyor Ruslan Sabirli növbəti bacarığını üzə çıxarıb. SİA-nın verdiyi xəbərə görə, o, cəbhədə şəhid olmuş şəhidlərin əziz xatirəsinə mahnı bəstələyib: "Hər birimiz son günlər cəbhə bölgəsində baş verən hadisələr zamanı Azərbaycan dövlətinin nə qədər güclü və qüdrətli orduya malik olmasinin şahidi olduq. Xalqımızın nümayiş etdirdiyi birlik və həmrəylik bir daha sübut etdi ki, biz 20% işğal altında olan torpaqlarımızı geri qaytarmaq iqtidarındayıq. Baş verənlərməni də həm qürrələndirir, həm kədərləndirirdi və təbii ki, biganə qala bilməzdim. Çünki, mənim ailəm də Qarabağ müharibəsində 2 nəfər şəhid verib: kiçik dayım Kazım İsayev və böyük dayımın oğlu Elxan İsayevdir. Hiss etdiklərimi notlara köçürdüm. Bəstələdiyim musiqini qısa bir zamanda Gürcüstanda aranjiman etdirdim və dünən gecə hazır oldu. Musiqi"Zirvə" adlanır. Niyə məhs Zirvə? Çünki, bu musiqidə həm son günlərdə geri qaytardığımız torpaqlar – qalibiyyət zirvəsi, həm də bu müharibədə həlak olan şəhidlərimizin əldə etdiyi şəhidlik zirvəsi əks olunur. Kompozisiyanı şəhidlərimizin əziz xatirəsinə ittihaf edirəm.Allah qoysa bu musiqiyə klip də çəkilər".
Bütün xəbərlər Facebook səhifəmizdə
USD
EUR
GBP
RUB
