...ABŞ Hindistanın bəzi ixracat məhsullarına 50 faiz rüsum tətbiq etdikdən sonra Hindistan çətin vəziyyətdə qalıb.
SİA-nın məlumatına görə, Foreign Policy yazır ki, bu tədbirlərin bəziləri Hindistan-Rusiya tərəfdaşlığını cilovlamaq məqsədi daşıyırdı, digərləri isə beynəlxalq siyasətdə Yeni Dehliyə qarşı təsir rıçaqları kimi qiymətləndirilir.
Hesab edilir ki, Rusiyanın enerji və silahlarından imtina etmək Hindistana ÜDM-in 0,2-0,3 faizinə başa gələcək, Trampın tariflərindən itkilər isə ÜDM-in 0,3-0,6 faizinə çata bilər.
İqtisadi baxımdan bu ssenarilər təxminən ekvivalentdir və Hindistanın Baş naziri Narendra Modinin seçimini təkcə mənfəət məsələsi deyil, həm də strategiya edir.
Hindistan praqmatizmi əsas gətirərək Rusiyadan neft və silah almağa davam edir.
Rusiya tədarükləri daha ucuzdur, digər ölkələrdən neft almaq isə xərcləri hər il 9-12 milyard dollara qədər artıracaq.
Eyni zamanda, ABŞ xüsusilə gənclər arasında yüksək işsizliyi nəzərə alaraq Hindistan sənayesi, texnologiyası və iş yerlərinin yaradılması üçün kritik əhəmiyyətə malik olaraq qalır.
Modi həmçinin son 7 ildə ilk dəfə Çinlə danışıqlar aparıb və Putinlə görüşüb.
Bu addımlar xarici siyasətin şaxələndirilməsi və Vaşinqtonla Moskva arasında balansın qorunması üçün imkanlar yaradır. Hindistan səlahiyyətliləri eyni zamanda Divali ərəfəsində mal və xidmətlərə vergiləri azaltmaqla və yeni ixrac bazarları axtararaq daxili tələbi stimullaşdırır.
Daxili iqtisadi artım və iş yerlərinin yaradılması, eləcə də strateji müttəfiqliklərin qorunub saxlanması əsas prioritet olaraq qalır.
Ekspertlər qeyd edirlər ki, Hindistan Moskva ilə strateji münasibətləri qoruyub saxlamaqla və ABŞ-la əməkdaşlığa hazır olduğunu nümayiş etdirməklə öz idxalında Rusiya neftinin payını tədricən azalda bilər.
…Bütün dövlətlər öz milli maraqlarını güdürlər. Biz Hindistanda bunu heç vaxt qlobal yaxşılığa zidd hesab etməmişik.
Bunu Hindistanın xarici işlər naziri Subrahmanyam Caişanka deyib.
Əli Babayev
Bütün xəbərlər Facebook səhifəmizdə
USD
EUR
GBP
RUB