BMT Təhlükəsizlik Şurası İsrail və ABŞ-ı İrana qarşı təcavüzün təşəbbüskarı kimi tanımalı və onlardan dəymiş zərərin ödənilməsini tələb etməlidir.
SİA-nın məlumatına görə, bu barədə İranın xarici işlər naziri Abbas Əraqçi BMT-nin baş katibi Antonio Quterreşə yazdığı məktubda bildirib.
Bazar günü İran diplomatiyasının rəhbəri Telegram kanalında BMT-nin baş katibi Antonio Quterreşə ünvanlanmış məktubu dərc edib. Məktubda Əraqçi BMT Nizamnaməsinin 39-cu maddəsini xatırladır, buna görə BMT Təhlükəsizlik Şurası “İsrail rejiminin İran İslam Respublikasının suverenliyi və ərazi bütövlüyünə qarşı təcavüzkar hərəkətlərinin mövcudluğunu” müəyyən etməyə borcludur.
Məktubda deyilir: “Biz bununla rəsmi olaraq Təhlükəsizlik Şurasından İsrail rejimini və Amerika Birləşmiş Ştatlarını aqressiv hərəkətlərin təşəbbüskarı kimi tanımasını və onların sonrakı məsuliyyətlərini, o cümlədən təzminat və zərərin ödənilməsini etiraf etməyi xahiş edirik”.
Əraqçi həmçinin hesab edir ki, Təhlükəsizlik Şurası bu təcavüzlərə görə məsuliyyət daşıyanları məsuliyyətə cəlb etməli və “bu cür dəhşətli və təhlükəli cinayətlərin təkrarlanmasının qarşısını almalıdır”.
...Təcavüzkar hərəkətlərə göstəriş verən siyasi və hərbi liderlər beynəlxalq adət-ənənələrə uyğun olaraq beynəlxalq cinayətlərə görə də fərdi cinayət məsuliyyəti daşıyırlar, - deyə Əraqçi əlavə edib.
O vurğulayıb ki, İrana hücuma məhəl qoymamaq “BMT sisteminin etibarını ciddi şəkildə sarsıdır, beynəlxalq hüquqa real təhlükə yaradır”.
Əraqçi Quterreşdən məktubu BMT Baş Assambleyası və Təhlükəsizlik Şurasının sənədi kimi yaymağı xahiş edib.
Əli Babayev
Bütün xəbərlər Facebook səhifəmizdə
USD
EUR
GBP
RUB