...Ər-Riyadda ABŞ və Rusiya arasında aparılan danışıqlar ərəfəsində Ukrayna prezidenti Vladimir Zelenski Türkiyə prezidenti Rəcəb Ərdoğan ilə görüşüb. O, bu addımı ilə nümayiş etdirdi ki, onun mövqeyi nəzərə alınmalıdır.
SİA-nın məlumatına görə, rusiyalı siyasi strateq Abbas Qalyamov Zelenskinin bu hərəkətlərini uğurlu manevr adlandırıb.
Qeyd edək ki, Ukrayna lideri Səudiyyə Ərəbistanına səfər etməli idi, lakin müəyyən səbəblərdən səfərini təxirə salmışdı.
Zelenski ABŞ və Rusiyanı onun maraqlarını nəzərə almağa məcbur edir..?
Beləliklə, ABŞ və Rusiya nümayəndə heyətləri Səudiyyə Ərəbistanında danışıqlar apararkən Ukrayna prezidenti Vladimir Zelenski uğurlu manevr edərək İstanbulda Türkiyə prezidenti Rəcəb Tayyib Ərdoğanla görüşüb.
Ərdoğan iddialı oyunçudur və Rusiyanın sanksiyalardan yan keçməsi ondan asılıdır.
O, Donald Tramp və Vladimir Putin kimi fəal xarici siyasətin tərəfdarıdır.
Görüş zamanı Zelenski və Ərdoğan, ehtimal ki, türk sülhməramlılarının demarkasiya xəttinə göndərilməsi imkanını müzakirə ediblər.
Eyni zamanda, SİA-nın da bir müddət əvvəl xəbər verdiyi kimi, ABŞ və Rusiya bu rol üçün çinli və ya braziliyalıları nəzərdən keçirə bilər.
…Niyə bu manevr uğurlu hesab olunur? Zelenski Ər-Riyaddakı danışıqlarda iştirak etməsə də, paralel danışıqlar prosesində görünməz şəkildə iştirak edir və başqalarını onun maraqlarını nəzərə almağa məcbur edir.
Bunu Abbas Qalyamov vurğulayıb.
Unutmaq lazım deyil ki, hazırda ABŞ-ın Türkiyə ilə mürəkkəb münasibətləri var.
Tramp Ərdoğana qarşı bəzi arqumentlərdən istifadə edərək onu müəyyən şəkildə hərəkət etməyə məcbur edə bilər.
Lakin Amerika prezidentinin bu rıçaqlardan istifadə edib-etməyəcəyi məlum deyil.
O, Türkiyə liderinin mövqeyindən Putinlə danışıqlar zamanı təzyiq vasitəsi kimi istifadə edə bilər.
Kreml lideri Çinin rəhbərlik etdiyi sülhməramlı missiyada israr edə bilər, amma Tramp da “Mən Zelenski ilə Ərdoğan arasındakı razılaşmanı ləğv edə bilmərəm, çünki onlar artıq razılığa gəliblər”- deyə bilər.
Bu zaman Ukraynanın fikri nəzərə alınmalı olacaq..?
Əli Babayev
Bütün xəbərlər Facebook səhifəmizdə
USD
EUR
GBP
RUB