NATO-nun keçmiş baş katibi Yens Stoltenberq ABŞ-ın yeni seçilmiş prezidenti Donald Trampın andiçmə mərasimində iştirak edəcək.
SİA-nın məlumatına görə, bu barədə “Der Spiegel” yazır. Mənbə qeyd edir ki, Tramp Stoltenberqi şəxsən Vaşinqtona dəvət edib.
...Münhen Təhlükəsizlik Konfransının yeni sədri kimi mən transatlantik əlaqələrə sadiqəm, xüsusən də bu mühüm dövrlərdə...
Bunu Stoltenberq bildirib.
Bundan əvvəl Ağ Evin seçilmiş rəhbəri Donald Trampın yanvarın 20-də andiçmə mərasiminin keçiriləcəyi Vaşinqtona gəldiyi bildirilirdi.
O, həyat yoldaşı Melaniya və kiçik oğlu Barronla gəlib. Yanvarın 19-da siyasətçinin ona dəstək nümayişi keçirəcəyi də gözlənilir.
Tədbir Vaşinqtonun mərkəzindəki Capital One Sports Arenada baş tutacaq.
Orada digər məsələlərlə yanaşı, sahibkar İlon Maskın çıxışı da planlaşdırılır.
Bir gün əvvəl məlum olub ki, Tramp 2024-cü ilin noyabr ayının əvvəlindən inauqurasiya üçün 150 milyon dollardan çox vəsait toplayıb.
Əli Babayev
Bütün xəbərlər Facebook səhifəmizdə
USD
EUR
GBP
RUB