...Tədqiqatçılar elektrikli nəqliyyat vasitələrinin dəqiqələrlə doldurulmasına və bərpa olunan enerji mənbələri ilə işləyən elektrik şəbəkələrinin qurulmasına imkan verəcək sabit, təhlükəsiz və əlverişli batareyalar yaratmaq üçün bir üsul hazırlayıblar.
SİA xəbər verir ki, Tech Xplore-a görə, yeni bir araşdırma karbon anod materiallarında litium, natrium və kalium kimi qələvi metalların çoxqatlı strukturlarının inkişafında son nailiyyətlərə işıq salır.
Nəşrin qeyd etdiyi kimi, əvvəllər ionların qrafit kimi karbon batareya materiallarında yalnız tək atomlu təbəqələr əmələ gətirdiyinə inanılırdı.
Lakin, 2018-ci ildə tədqiqatçılar yüksək dəqiqlikli elektron mikroskopundan istifadə edərək iki qrafen təbəqəsi arasında əmələ gələn ultra sıx poliatomlu litium təbəqələri ilə yeni bir konfiqurasiya kəşf etdilər.
Bu kəşf yeni bir tədqiqat sahəsi açdı və belə sıx "sendviçlərin" yalnız litiumdan deyil, həm də natrium kimi digər, daha asan əldə edilə bilən metallardan da hazırlana biləcəyini nümayiş etdirdi. Bu çoxqatlı strukturlar nizamlı qrafen, nizamsız sərt karbon və nizamsız karbon kürələri də daxil olmaqla müxtəlif karbon formalarına yerləşdirilə bilər.
Nəzəri hesablamalara görə, dörd litium təbəqəsi olan qrafen anodunun tutumu ən qabaqcıl qrafit anodunun tutumundan üç dəfəyə qədər çox ola bilər.
Bundan əlavə, karbon matrisi üçün xüsusi olaraq hazırlanmış nanokanallar və məsamələr ionlar üçün "supermagistral" rolunu oynayır.
Məsələn, bunun sayəsində sərt karbon əsaslı natrium-ion batareyaları 3000 ultra sürətli doldurma dövründən sonra tutumunun 83 faizni saxlayıb.
Yeni texnologiya həmçinin batareyaların yanması problemini də həll edir. Bu, metalın səthində təhlükəli şəkildə deyil, sabit karbon çərçivəsində çökməsinə və əriməsinə səbəb olur və qısaqapanma riskini aradan qaldırır.
Alimlərin fikrincə, onların tədqiqatı enerji materialları elmində yeni üfüqlər açır. Komanda ionların əvvəllər düşünüləndən daha sıx şəkildə karbona "yığıla" biləcəyini sübut edən dəlilləri sistemləşdirib.
...Növbəti addım unikal laboratoriya nümunələrindən səmərəli və etibarlı sənaye istehsalına keçməkdir. Hesablama elmi, qabaqcıl analitika, süni intellekt və kimyəvi sintezin birləşməsi bu irəliləyişli tədqiqatı enerjinin gələcəyini formalaşdıracaq kommersiya məhsullarına çevirmək üçün vasitələr təqdim edir, - tədqiqatın həmmüəllifi bildirib.
Əli Babayev
Bütün xəbərlər Facebook səhifəmizdə
USD
EUR
GBP
RUB
