Yaponiyanın xəbər agentliyi qolun möhtəşəmliyindən danışdı

Yaponiyanın nüfuzlu Kyodo agentliyi Keysuke Hondanın "Neftçi"nin heyətində ikinci qolunu vurması barədə yazıb. SİA xəbər verir ki, "Honda "Neftçi"nin tərkibində ikinci ardıcıl oyunda fərqlənib" adlı yazıda mayın 8-də "Səbail" klubu ilə keçirilən oyunda yapon futbolçunun 72-ci dəqiqədə vurduğu qolla hesabı 3:0-a çatdırdığı qeyd edilib. Bildirilib ki, "Bayıl Arena"da keçirilən oyun 4:0 hesabı ilə "Neftçi"nin xeyrinə başa çatıb. Yazıda bunun yapon futbolçunun mayın 4-də səfərdə "Keşlə" klubu ilə oyunda vurduğu ilk qoldan sonra ikinci qol olduğu da bildirilib. Həmin oyunun "Neftçi"nin xeyrinə 3:0 hesabı ilə başa çatdığı xatırladılıb.

Məqalədə K.Hondanın "Neftçi" klubu ilə müqaviləni cari ilin martında imzaladığı və bununla Azərbaycan klubunun onun idman karyerasında yeddinci peşəkar klub olduğu qeyd edilib.

Bütün xəbərlər Facebook səhifəmizdə

loading...