Lixtenşteynə uduzan yığmamızın baş məşqçisi: " Təəssüf ki, buraxdığımız bir səhvə görə məğlub olduq"
“Rəqibin bizə qarşı necə oynayacağını bilirdik. Gözlədiyimiz kimi, 10 nəfərlər müdafiə olunurdular”.
SİA AFFA-nın rəsmi saytına istinadən bildirir ki, bu fikri 21 yaşadək futbolçulardan ibarət komandalar arasında Avropa çempionatının seçmə mərhələsində "Sportpark Eschen Mauren" stadionunda keçirilən Lixtenşteyn - Azərbaycan oyunundan sonra yığmamızın baş məşqçisi Milan Obradoviç bildirib.
Serb mütəxəssis daha sonra oyunla bağlı bunları deyib: “Təəssüf ki, oyun ərzində buraxdığımız bir səhvə görə məğlub olduq. Cinahlardan oyun quraraq rəqibin müdafiə xəttini yarmağa çalışırdıq. Ustalıq səviyyəsinin çatışmaması özünü göstərdi. Yəqin ki, bu da futbolçuların qələbə qazanmaq istəklərinin çox olması ilə əlaqədardır. Təbii ki, bu cür nəticə gözləmirdim.
Futbolçulara deyəcək sözüm yoxdur. Onlar bütün bacarıqlarını maksimum yerinə yetirdilər. Futbol elə bir oyun odur ki, yaxşı oynayan hər zaman qalib gəlmir. Təəssüf ki, xal qazana bilmədik. Xal isə həmişə lazımdır. Bilirəm ki, biz düzgün yoldayıq. Çox yaxşı təlim-məşq toplanışı keçirdik. Futbolçura görə çox təəssüflənirəm. Oyun ərzində bir neçə qol imkanı yaratdıq, ancaq istifadə edə bilmədik. Bu oyun bizim üçün bir dərs olacaq.
Bu məğlubiyyətin məsuliyyəti mənim üzərimdədir. Komanda uduzanda günahkar mənəm. Komanda qalib gələndə bu, futbolçuların qələbəsidir. İstərdim ki, komanda olaraq – həm biz məşqçilər, həm də futbolçular bu məğlubiyyətdən nəticə çıxaraq. Növbəti oyunlara daha çox çalışmalıyıq, daha yaxşı hazırlaşmalıyıq
”
Bütün xəbərlər Facebook səhifəmizdə
USD
EUR
GBP
RUB