Qadın voleybolçular arasında Çempionlar Liqasının \"Dördlər finalı\"nın son 2 görüşü baş tutub. Siasport.az saytı xəbər verir ki, əvvəlcə üçüncü yer uğrunda oyun keçirilib.
\"Rabitə\"nin yarımfinalda mübarizədən kənarlaşdırdığı İtaliyanın \"Skavolini\" klubu bürünc medal uğrunda \"Fənərbaxça\" ilə qarşılaşıb. Türkiyə təmsilçisi italyanları 3:1 hesabı ilə yenərək, bürünc medala sahib çıxıblar.
Finalda isə Bakının \"Rabitə\" klubu Türkiyənin \"Vakıfbank Günəş Sığorta\" komandası ilə qarşılaşıb. İlk setdə 25:13 hesabı ilə qələbə qazanan türklər ikinci setdə müqavimətlə üzləşsə də, üstünlüyü əldən verməyiblər - 25:20. Son setdə də meydan sahibləri qələbəyə sevinib - 25:18.
Bununla \"Vakıfbank Günəş Sığorta\" Çempionlar Liqasının qalibi olub. \"Rabitə\" ilk dəfə çıxdığı finalda gümüş medalla kifayətlənib.
Çempionlar Liqası
3-cü yer
Fənərbaxça - Skavolini 3:1 (12:25, 25:21, 25:21, 25:21)
Final
Vakıfbank Günəş Sığorta - Rabitə 3:0 (25:13, 25:20, 25:18)
Bütün xəbərlər Facebook səhifəmizdə
USD
EUR
GBP
RUB