Fövqəladə Hallar Nazirliyinin (FHN) tabeliyindəki qurumların
əməkdaşları arasında ilin ikinci idman yarışı keçirilib. Siasport.az saytı
xəbər verir ki, Mülkü Müdafiə Qoşunları Komandanlığının tədris binasında təşkil
edilən daşqaldırma üzrə çempionatda 16 qurumdan 90-dək iştirakçı qüvvəsini
sınayıb. Açılış mərasimində idmançılara uğurlar arzulayan nazirliyin
İdman-sağlamlıq klubunun rəisi polkovnik Füzuli Musayev, Fövqəladə Hallar naziri, general-polkovnik Kəmaləddin Heydərovun
nazirliyin əməkdaşlarının, o cümlədən hərbi və xüsusi rütbəli qulluqçularının
fiziki hazırlığının yüksəldilməsi üçün idman tədbirlərinin keçirilməsini daim
diqqətdə saxladığnı qeyd edib. F.Musayev onların bu çıxışlarının ilboyu digər
növlər üzrə yarışların nəticələrinə əlavə ediləcəyini diqqətə çatdırıb.
24-25 fevral tarixlərində, 6 çəki dərəcəsində keçirilən yarışda ən yüksək nəticəni Dövlət Yanğından Mühafizə Xidmətinin (DYMX) əməkdaşları göstəriblər. Bu qurumdan Elman Hətəmov (65 kq), Araz Dəmirov (90 kq) və Araz Orucov (+90 kq), Xüsusi Riskli Xilasetmə Xidmətindən (XRXX) Elşən Yaqubov (60 kq), Mülkü Müdafiə Qoşunlarından (MMQ) Mətləb Məmmədov (70 kq) və Sumqayıt Regional Mərkəzindən (SRM) Zakir Zeynalov (80 kq) müxtəlif çəki dərəcələrində birinci yeri tutublar.
Komanda hesabında isə Dövlət Yanğından Mühafizə Xidməti birinci, Xüsusi Riskli Xilasetmə Xidməti ikinci, Mülkü Müdafiə Qoşunlarının əməkdaşları üçüncü nəticə göstəriblər. Sonda Mülkü Müdafiə Qoşunlarının hərbi orkestrinin müşayiətilə fərqlənən iştirakçılara müvafiq mükafatlar təqdim edilib. Fövqəladə Hallar Nazirliyi İdman-sağlamlıq klubunun təşkil edəcəyi növbəti yarış martda Armrestlinq üzrə çempionat olacaq.
Bütün xəbərlər Facebook səhifəmizdə
USD
EUR
GBP
RUB