FİFA AZAL-ın stadionuna iki ulduz verdi

AZAL PFK üçün Şüvəlan qəsəbəsində tikilən stadionun süni örtüklü meydançası FİFA tərəfindən qəbul edilib. Siasport.az saytı xəbər verir ki, kluba FİFA-nın prezidenti Yozef Blatterin imzası ilə göndərilən sertifikatda bu haqda məlumat verilib. AZAL-ın stadionunu \"2 STAR\" (iki ulduz) sertifikatı ilə təltif edən beynəlxalq futbol qurumu meydançanın səviyyəsini yüksək qiymətləndirib.

Xatırladaq ki, yanvarın 26-da Sürixdən gələn mütəxəssislər meydançaya texniki baxış keçirmişdi. Onların rəyinə əsasən Hollandiyanın \"EDEL GRASS\" şirkəti tərəfindən döşənliən öt örtüyü bütün tələblərə cavab verir.

Bütün xəbərlər Facebook səhifəmizdə