Xəbər verdiyimiz kimi, "Qəbələ" Futbol Klubunun 13 yaşa qədər futbolçulardan ibarət U-13 komandası Latviyaya "Riga Open 2012"turnirində çıxış etmək üçün səfər edib. Siasport.az saytı xəbər verir ki, ilk oyunda heç-heçə ilə razılaşan komanda bundan sonra artıq 2 komanda ilə görüşüb. Dünən gün ərzində 2 komanda ilə qarşılaşan "Qəbələ" futbolçuları hər iki görüşdə qələbə qazanıblar. U-13-ün ilk rəqibi yerli "Super Nova" klubu olub və yerli komandamız bu oyunun taleyini 3:1 hesabı ilə həll edib. Günün ikinci matçında isə "Qəbələ"nin rəqibi "Yelqava" olub və bu oyun da 5:1 hesabı ilə komandamızın qələbəsi ilə başa çatıb. Bu qarşılaşmanın favoriti Elvin İmanlı olub. O, 5 qolun 4-nü öz hesabına yazıb. E.İmanlı turnirdə vurduğu qolların sayını 6-ya çatdırıb. Məlumat üçün bildirək ki, qələbələrdən sonra aktivindəki xalların sayını 10-a çatdıran "Qəbələ" birinci pillədə qərarlaşıb.
Bütün xəbərlər Facebook səhifəmizdə
USD
EUR
GBP
RUB