"Avropa çempionatında güclü olduğumuzu bir daha sübut etdik" .
SİA xəbər verir ki, bu sözləri Slovakiyanın paytaxtı Bratislava şəhərində keçirilən Avropa çempionatında uğurla çıxış edən yunan-Roma güləşi üzrə Azərbaycan millisinin baş məşqçisi Aleksandr Tarakanov deyib.
O, komandasının yüksək səviyyədə çıxış etdiyini bildirib: "Nəticəyə görə çox şadam. Gənc idmançılarımız var. Onlar möhtəşəm güləşdilər. Planlarımıza yenə də təlim-məşq toplanışları, daha sonra isə dünya çempionatı daxildir. Lakin bizim üçün əsas Olimpiya oyunlarına hazırlıqdır. Güləş Azərbaycanda milli idman növüdür. Bizə olan etimadı doğrultmaq istəyirik. Üzərimizə böyük məsuliyyət düşür. Dəstəyiniz üçün təşəkkür edirəm".
Qeyd edək ki, yunan-Roma güləşi üzrə Azərbaycan millisi turnirdə 3 qızıl, 1 gümüş və 2 bürünc medal qazanıb.
Bütün xəbərlər Facebook səhifəmizdə
USD
EUR
GBP
RUB