Misli Premyer Liqasında mövsümün 3-cü het-triki qeydə alınıb.
SİA xəbər verir ki, “Qarabağ”ın futbolçusu Leandro Andrade XXX turun “Səbail”lə görüşündə 3 qola imza atıb.
Portuqaliyalı yarımmüdafiəçiyə qədər yalnız Davit Volkov het-trik müəllifi olub. “Zirə”nin hücumçusu I turda “Səbail”, XV turda “Sumqayıt”ın qapısına 3 dəfə yol tapıb.
Maraqlıdır ki, het-trik qeydə alınan hər üç qarşılaşma 4:1 hesabı ilə başa çatıb.
Volkovun 3 qol vurduğu matçlar ev oyunları olub və 2024-cü ilə təsadüf edib. Andrade cari mövsümdə səfərdə het-trik edən ilk oyunçudur.
Qeyd edək ki, Leandro həm də 2025-ci ildə bunu bacaran ilk futbolçu olub.
Bütün xəbərlər Facebook səhifəmizdə
USD
EUR
GBP
RUB