AFFA-nın Apellyasiya Arbitraj Tribunalının növbəti iclası keçirilib.
SİA yerli mənbələrə istinadən xəbər verir ki, yığıncaqda “Səbail” klubunun şikayətinə baxılaraq, müvafiq qərarlar qəbul edilib.
“Səbail”in futbolçusu Süleyman Alluşla bağlı şikayəti təmin olunmayıb. Misli Premyer Liqasının XXVI turunun “Zirə” ilə matçında təcavüzkar davranışa görə birbaşa qırmızı vərəqə aldıqdan sonra hakimləri təhqir etdiyi üçün futbolçuya verilən 4 oyunluq cəza və kluba kəsilən 3000 manatlıq cərimə qərarı qüvvədə saxlanılıb.
Danışılmış oyunlarda iştiraka görə ömürlük futbol ilə əlaqədar hər hansı fəaliyyətlə məşğul olmaq hüququndan məhrum edilən “Mingəçevir”in sabiq üzvü Muxtar Nəzərlinin apellyasiya şikayətinə isə baxılmayıb. Baş Prokurorluğa sorğu göndərilməsi ilə əlaqədar olaraq proses təxirə salınıb.
Bütün xəbərlər Facebook səhifəmizdə
.jpg)
USD
EUR
GBP
RUB