Azərbaycan millisinin yunan-Roma güləşçisi Nihad Məmmədlinin (60 kq) SİA-ya müsahibəsini təqdim edirik:
- Slovakiyanın paytaxtı Bratislavada keçiriləcək güləş üzrə Avropa çempionatında mübarizə aparacaqsınız. Hazırlıqlarınız necə davam edir?
- Hazırlıq yüksək səviyyədədir. Sonuncu məşq toplantısını demək olar ki, başa vururuq. Bakıda son üç məşqimiz qalıb. Bu toplanışlarda əsasən çəki salmaq üçün nəzərdə tutulub. Komanda olaraq yarışa yaxşı şəkildə hazırlaşdığımızı düşünürəm. Ümid edirəm ki, komandamızla birgə istədiyimiz nəticəni əldə edərik.
- Avropa çempionatından gözləntiləriniz nələrdir?
- Təbii ki, ən böyük gözləntim titulumu qoruyub-saxlamaqdır. Bunun üçündə əlimdən gələni edəcəm.
- Rəqibləriniz barədə nələr deyə bilərsiz?
- Hər birini analiz etmişəm. Rəqiblərimin güclü və zəif tərəflərini nəzərdən keçirmişəm. Bütün rəqiblərlə mübarizəyə hazıram.
- Çempionluğla bağlı ümidləriniz nə dərəcədədir?
- Ümidim çox böyükdür. Yenidən Avropa çempionu olmaq üçün mübarizə aparacam. Bayrağımızı dalğalandırıb, himnimizi beynəlxalq arenada səsləndirmək üçün əlimdən gələni edəcəm.
Bütün xəbərlər Facebook səhifəmizdə
.jpg)
USD
EUR
GBP
RUB