Atletiko”nun hücumçusu Aleksander Sörlot tarixdə ardıcıl altı oyunda “Barselona”ya qol vuran ikinci futbolçu olub. SİA xəbər verir ki, bu barədə “Goal” məlumat yayıb.
Bu, Madrid klubunun La Liqanın 28-ci turunda kataloniyalıları qəbul etdiyi görüşdə qeydə alınıb. 29 yaşlı norveçli forvard 70-ci dəqiqədə fərqlənib. Bu görüş artıq onun “Barsa”ya qol vurduğu ardıcıl altıncı matç olub.
Bu göstəricidə o, “Real”ın əfsanəsi Kriştiano Ronaldoya çatıb.
Sörlotun seriyası 2022/23 mövsümündə – “Real Sosyedad”da oynadığı vaxt başlayıb. Son mövsümdə o, 2 oyunda fərqlənib. Lakin bu dəfə “Vilyarreal” üçün. Bu il isə Aleksandr artıq üç dəfə “Barsa”ya qol vura bilib.
Sörlotun elə bu mövsüm Ronaldonun nailiyyətini ötmək şansı var. Aprelin 2-də “Atletiko” və “Barselona” Kral Kubokunun yarımfinalının cavab matçında yenidən üz-üzə gələcək.
Qeyd edək ki, bu mövsüm Aleksander 39 matçda meydana çıxıb, 15 qol vurub və 2 məhsuldar ötürmə edib.
Bütün xəbərlər Facebook səhifəmizdə
.jpg)
USD
EUR
GBP
RUB