Futzal üzrə “Neftçi” klubunun oyunçusu Emil Həsənzadənin SİA-ya müsahibəsini təqdim edirik:
- “Araz Naxçıvan”dan ayrılmağınıza nə səbəb oldu?
- Xüsusi bir səbəbi yoxdur. “Neftçi” klubundan daha yaxşı təklif aldığım üçün bu kluba getmək qərarı aldım. Həmçinin düşündüm ki, Bakı təmsilçisində şansım daha çoxdur. Ona görə “Araz Naxçıvan”dan ayrıldım. Lakin hər şey üçün Naxçıvan təmsilçisinə təşəkkürlərimi bildirirəm.
- “Neftçi”yə keçidiniz necə reallaşdı?
- İlkin Hacıyev mənim tanıdığım ən yaxşı məşqçilərdən biridir. Onunla çalışmaq mənim üçün böyük bir uğurdur. Həmçinin “Neftçi” kimi köklü bir klubda çıxış etmək hər bir idmançıya nəsib olmur. Ona görə belə bir fürsəti əldən verə bilməzdim.
- Baş məşqçi ilə nə kimi danışığınız olub?
- Bir sıra məsələlər barədə danışdıq. Məşqçimizin əsas istəyi bu il yaxşı nəticə verməkdir. Ən azından kuboku qazanmalıyıq. Əsas məqsədimizdə Azərbaycan kubokuna sahib olmaqdır. Bunun üçün də əlimizdən gələni edib, çoxlu çalışacayıq.
- ”Neftçi”nin hazırki durumu sizi qane edirmi?
- Bəli, qane edir. Çatışmayan cəhətlərimiz var. Oda hər bir komanda da olur. Amma məşqçimiz əlimizdən gələni edir ki, bütün boşluqları doldura bilək.
- Komandadakı əhval-ruhiyyə necədir?
- Hər şey çox yaxşıdır. Komnadadakı abu-hava çox gözəldir. Bizim heyətdə sözünü demiş oyunçular var. Hansı ki, Xətai Bağırov, Namiq Məmmədkərimov və s. hər biri çox təcrübəli oyunçudur. Onlardan çox şey öyrənirik və bizə dəstək olurlar. Təbii ki, müəyyən itkilərimizdə var. İsa Atayev zədəlidir. Ona bol şəfalar diləyirəm. Ümid edirik ki, tez bir zamanda ayağa qalxıb, meydançalara geri dönəcək.
- Azərbaycan Kubokunda 1/4 finalda “Star kargo” ilə qarşılaşacaqsınız. Matç barədə nə düşünürsüz?
- Bu matçın favorite bizim komandamız hesab olunsa da, bu faktor bizi rahatlaşdırmır. Əlbəttə ki, meydana qələbə üçün çıxacayıq. Var gücümüzlə hazırlaşırıq. Əsas məqsədimiz bu il kubokun sahibi olmaqdır. Bunun üçündə nə lazımdırsa edəcəyik.
Banuçiçək Hüseynli
Bütün xəbərlər Facebook səhifəmizdə
USD
EUR
GBP
RUB
