Fransa millisinin heyətində dünya çempionu Adil Rami Səudiyyə Ərəbistanı çempionatının Fransa Liqa 1-dən güclü olduğunu deyən “Əl-Nəsr”in hücumçusu Kriştiano Ronaldonun sensasion açıqlamasına münasibət bildirib. SİA xəbər verir ki, o, portuqaliyalı superulduzu tənqid edib:
“Boş-boş danışır. Səudiyyə Ərəbistanındakı müdafiəçilərin şəkillərini göstərməyimi istəyirsiniz? Çılğın bir karyerası olması onun dediyi hər şeyin doğru olması demək deyil. Hesab edirəm ki, bu, bir reklamdır.
“Monako”, “Lill” və ya “Marsel” ilə oynamağa çalışsın. Kiçik komandanızı “Brest”lə matça aparın. Fransa, Braziliya ilə birlikdə dünyanın ən böyük futbol sahəsinə malikdir. Ronaldonu Liqa 1 müdafiəçilərinə qarşı qoyun və onlar onu “yeyəcəklər”.
Bilirsiniz, mən Kriştianonun fanatıyam, amma o yanılır. O, Səudiyyə liqasının Fransadan daha yaxşı olduğunu deyəndə, çoxları ona qulaq asır”.
Bütün xəbərlər Facebook səhifəmizdə
USD
EUR
GBP
RUB