Ümumdünya Poçt Günü münasibətilə güzəşt kampaniyası keçirilir

"Azərpoçt" MMC-dən SİA-ya verilən məlumata görə, 9 oktyabr – Ümumdünya Poçt Günü münasibətilə güzəşt kampaniyası keçirilir. Belə ki, Rusiya Federasiyasına göndərilən EMS (sürətli poçt rabitəsi xidməti) göndərişlərinin tariflərinə oktyabr ayı ərzində 50%-dək endirim edilir. Qeyd edilən ölkəyə EMS-lə göndəriş edən hər kəs bu fürsətdən yararlana bilər.

Xatırladaq ki, EMS fiziki poçt xidmətləri növlərindən ən sürətlisidir. Bu xidmət vasitəsilə məktubların, sənədlərin və malların qısa zamanda yığılması, daşınması və çatdırılması həyata keçirilir.

Müəllif: Turqay Musayev

Bütün xəbərlər Facebook səhifəmizdə