Məcburi dövlət sosial sığorta haqları hesabına verilən müavinətlər artıb

2021-ci ilin ilk 7 ayı ərzində məcburi dövlət sosial sığorta haqları hesabına verilən müavinətlər üzrə 71,4 mln. manat vəsait ödənilib.

Bu barədə SİA-ya Dövlət Sosial Müdafiə Fondundan məlumat verilib.

Məlumata görə, bununla da ötən ilin müvafiq dövrü ilə müqayisədə 13,9 mln. manat və ya 24,2% daha çox vəsait xərclənib.

Bura hamiləliyə və doğuma görə, uşağın anadan olmasına görə, üç yaş həddinə çatana qədər uşağa qulluqla əlaqədar və dəfn üçün nəzərdə tutulan müavinətlər daxildir.

Bütün xəbərlər Facebook səhifəmizdə

loading...