Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Jurnalist Ekspert Mərkəzi İctimai Birliyi (JEM) tərəfindən həyata keçirilən "Azərbaycanda yaşayan xalqları yaxından tanıyaq" layihəsi yekun mərhələsinə başlayıb. Mərkəzdən SİA-ya verilən məlumata görə, iyul-noyabr ayları ərzində 4 aylıq müddətdə icra olunması nəzərdə tutulmuş layihənin ilk mərhələsində tat, udi, şahdağlılar xalqı, ləzgi, avar, ingiloy, yəhudi, talış, saxur, kürd xalqlarının tarixi, dili, etnik tərkibi, etimologiyası, mədəniyyəti, müasir yaşayış tərzləri barədə konkret faktlara əsaslanan yazılar hər həftənin şənbə günü "525-ci qəzet"də dərc olunub. Nəzərdə tutulan 10 məqalə Azərbaycan Milli Elmlər Akademiyasının Arxeologiya və Etnoqrafiya İnstitutu Antropologiya Mərkəzinin əməkdaşları tərəfindən hazırlanıb. Növbəti mərhələdə həmin yazılardan ibarət kitabça hazırlanıb. Hazırda həmin kitabçalar KİV orqanlarına hədiyyə edilir.
Layihənin əməkdaşları ilk olaraq "Kaspi" qəzetində, Azadinform.az, Multikultural Azərbaycan, Sfera.az saytlarında qonaq olublar. Layihə rəhbəri, JEM sədri Ceyhun Musaoğlu redaksiya heyətinə layihənin mahiyyəti barədə məlumat verib və kitabçaları jurnalistlərə təqdim ediblər.
JEM sədri bu ehtiyacı düzgün qiymətləndirən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına minnətdarlıq etdiklərini vurğulayıb: "Layihənin icrası zamanı SƏLİS XİDMƏTİN imkanlarından yüksək səviyyədə yararlandıq. Sistem mükəmməl hazırlanıb və layihənin icrası zamanı vaxt itkisi yaşanmır, görülən işlər sadə şəkildə donorun diqqətinə çatdırılır. Bunun üçün vaxt itirməyə, məsafə qət etməyə ehtiyac yoxdur. SƏLİS layihənin effektiv olmasına böyük təkan verdi".
Bütün xəbərlər Facebook səhifəmizdə
USD
EUR
GBP
RUB
