Azərbaycan Amerika Gənclər Federasiyasının təşkilatçılığı, Diasporla İş üzrə Dövlət Komitəsinin dəstəyi ilə ABŞ-nin Nyu-York şəhərində yerləşən Kolumbiya Universitetində Zəfər Gününün beşinci ildönümünə həsr olunmuş tədbir keçirilib.
SİA-nın AZƏRTAC-dan əldə etdiyi məlumata görə, bu barədə Diasporla İş üzrə Dövlət Komitəsindən məlumat verilib.
Bildirilib ki, tədbirdə Azərbaycan Respublikasının BMT yanında daimi nümayəndəliyinin, Azərbaycan Respublikasının Amerika Birləşmiş Ştatlarındakı səfirliyinin, Azərbaycan Respublikasının Diasporla İş üzrə Dövlət Komitəsinin rəsmiləri, eləcə də Amerika Azərbaycan Təşkilatları Alyansının üzv təşkilatlarının rəhbərləri, Nyu-Yorkda təhsil alan tələbə gənclər, Azərbaycan, türk və diasporların təmsilçiləri iştirak ediblər.
Mərasim Azərbaycan və ABŞ-nin Dövlət himnlərinin səsləndirilməsi ilə başlayıb və ölkəmizin ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad olunub.
Tədbirin təşkilatçısı Amerika Gənclər Federasiyasının rəhbəri Leyla Aslanova qonaqları salamlayaraq şanlı zəfər tarixi haqqında məlumat verib.
Diasporla İş üzrə Dövlət Komitəsinin şöbə müdiri Səlhət Abbasova çıxışında beş il əvvəl Müzəffər Ali Baş Komandan, Prezident İlham Əliyevin rəhbərliyi və Ordumuzun güzü sayəsində qazanılan tarixi qələbə ilə Azərbaycanın beynəlxalq ədalətin bərpasına nail olduğunu bildirib, Zəfər Gününün həm də xalqımızın birliyinin, dövlət-xalq vəhdətinin simvolu olduğunu diqqətə çatdırıb. O, Vətən üçün ən ağır zamanlarda xaricdə yaşayan həmvətənlərimizin də istər dezinformasiya ilə mübarizədə apardığı fəaliyyət, istərsə də Azərbaycana maddi-mənəvi dayaq olmasının təqdirəlayiq hal kimi qiymətləndirildiyini vurğulayıb, 8 Noyabr – Zəfər Gününün Azərbaycan xalqının qəhrəmanlıq, birlik və ədalətin rəmzi olduğunu qeyd edib.
Azərbaycan Respublikasının BMT yanında daimi nümayəndəsi səfir Tofiq Musayev Zəfər Gününün xalqımızın tarixində xüsusi yerini qeyd edib, 30 illik işğala son qoyulması prosesi ilə bağlı tarixi ekskurs edib, hadisənin beynəlxalq hüquq perspektindən təhlilini aparıb.
Tədbirdə çıxış edən "Koloradoda Azərbaycan Diasporu" təşkilatının rəhbəri Nigar Şıxsəfiyeva, Azərbaycan-Amerika Gənclər Assosiasiyasının prezidenti Nabat Eminova, Amerika ictimaiyyətinin üzvü Con Teylor, “My Way” Uşaq və Gənclər İnkişaf Mərkəzinin nümayəndəsi çıxış edərək Azərbaycan xalqını Zəfər Günü münasibətilə təbrik edib, Ali Baş Komandan İlham Əliyevin bu qələbədə əvəzsiz xidmətlərini, şəhidlərimizin xatirəsinin daim uca tutulması, vətənpərvər Azərbaycan oğul və qızlarının fədakarlıqlarını, regionda sabit sülhə nail olmağın önəmini vurğulayıblar.
Sonra qələbəyə aparan yolu tərənnüm edən “Vətən” İncəsənət və Mədəniyyət Mərkəzinin və “ElTV production” şirkətinin birgə layihəsi çərçivəsində komitənin dəstəyi ilə ərsəyə gəlmiş “Dəmir Yumruq” filmi, eləcə də “Şəhidə məktub” adlı qısa film nümayiş edilib.
Tədbir bədii hissə ilə davam edib, gənc ifaçılar Milana Nabiyeva, Dana və Aline Zoabi bacıları, Emili Məmmədova, eləcə də "My Way" Uşaq və Gənclər İnkişaf Mərkəzinin rəqs qrupunun ifasında Azərbaycan milli rəqsləri tədbir iştirakçıları tərəfindən maraqla qarşılanıb.
Tədbir zamanı həmçinin "My Way" Mərkəzinin gənc rəssamlarının əsərlərindən ibarət sərgi nümayiş etdirilib.
Sonda qonaqlar üçün şam yeməyi və tanışlıq görüşü təşkil olunub.
Bütün xəbərlər Facebook səhifəmizdə
.jpg)
.jpg "“Qarabağ” NƏYİ BACARDI?")
.jpg "Qatarlar Ermənistana gedir - Sarkisyan \"bunt\" qaldırdı")
.jpg)
USD
EUR
GBP
RUB