Bakı şəhəri Nərimanov rayonu Ceyhun Hacıbəyli 24 ünvanında çoxmərtəbəli binanın sütunlarının kəsilməsi barədə sosial şəbəkədə yayılmış videogörüntülər araşdırılıb. SİA xəbər verir ki, Fövqəladə Hallar Nazirliyinin (FHN) mütəxəssisləri həmin ünvanda reyd keçirib.
Reyddə media nümayəndələri də iştirak edib. Qeyd olunub ki, sosial şəbəkələrdə həmin binanın 2-ci mərtəbəsində, yəni qarajında sütunların sökülməsi barədə görüntülər yayılıb.
FHN-in Tikintidə Təhlükəsizliyə Nəzarət Dövlət Agentliyinin əməkdaşı Bəxtiyar Tağıyev bildirib ki, bu bina 2005-ci ildə tikilib: "Binanın 3 girişi var. 20-21 mərtəbəli binanın zirzəmisində 5 yerdə sütunların ölçüsü kiçildilib. Sütunlar arasında ara məsafə genişləndirilib. Bu, qanunsuzdur. Həmin şəxslər məsuliyyətə cəlb olunacaq. Bura yalnız avtomobil dayanacağı kimi istifadə edilə bilər. Bu əməli kimin törətdiyi hələlik məlum deyil”.
Kəmalə Nəsibova
Bütün xəbərlər Facebook səhifəmizdə
USD
EUR
GBP
RUB