Bakıda Rusiya, Azərbaycan və İranın dövlət rəsmiləri Şimal-Cənub Beynəlxalq Nəqliyyat Dəhlizinin potensialından daha yaxşı istifadə və inkişaf etdirilməsi ilə bağlı görüş keçirib. SİA xəbər verir ki, görüşdə əldə olunan razılaşmadan sonra üç ölkə arasında Beynəlxalq Şimal-Cənub Nəqliyyat Dəhlizinin inkişafını nəzərdə tutan bəyannamə imzalanıb. Bəyannaməni Rusiya baş nazirinin müavini Aleksandr Novak, Azərbaycan baş nazirinin müavini Şahin Mustafayev və İranın yollar və şəhərsalma naziri Rustem Qasimi imzalayıblar.
Bəyanatda deyilir ki, tərəflər dəhlizin potensialından tam istifadə etmək üçün infrastruktur və nəqliyyat imkanlarının qiymətləndirilməsi və təhlili sahəsində əməkdaşlığa hazırdırlar və 30 milyon ton tranzit və ikitərəfli yükdaşımaları həyata keçirmək üçün təklif olunan hədəfləri nəzərdən keçirməyə hazırdırlar. Tərəflər 2030-cu ilə qədər 3 ölkənin əraziləri arasında nəqliyyat dəhlizinin inkişafı kontekstində öz ölkələri vasitəsilə daşıma və tranzit əməliyyatlarının və prosedurlarının asanlaşdırılması məsələlərini həll etmək üçün birgə işçi qrupu yaradacaq və bu qrup bir ay ərzində ilk iclasını keçirəcək.
Rəşt-Astara dəmir yolu layihəsi üçün müqavilə layihəsini 1 ay ərzində hazırlamağa razılaşan tərəflər 2022-ci ilin sonuna kimi bu məsələ ilə bağlı danışıqlara başlamaq niyyətində olduqlarını bildiriblər. Beynəlxalq Şimal-Cənub Nəqliyyat Dəhlizi 2000-ci il sentyabrın 12-də Rusiya, İran və Hindistan arasında imzalanmış saziş əsasında yaradılıb. Sonrakı illərdə bu layihədə daha 10 ölkə, o cümlədən Azərbaycan və Türkiyə iştirak edib. Şimal-Cənub Nəqliyyat Dəhlizi ilə Hindistandan Rusiyaya, eləcə də Şimali və Qərbi Avropaya gedən yüklərin daşınma müddətlərinin azaldılması hədəflənir.
Bütün xəbərlər Facebook səhifəmizdə
USD
EUR
GBP
RUB