Əsrlər boyu qonşularına, ilk növbədə türklərə və azərbaycanlılara qarşı kütlənin şüuruna nifrət aşılayan cinayətkar təşkilat Erməni Apostol Kilsəsinin dəyişməz mahiyyəti budur
Erməni Apostol Kilsəsinin erməni xalqının faciələrində əsas roy oynaması artıq ermənilərin çoxuna aydındır. Bu Kilsənin ermənilərin qonşu xalqlarla düşmənçilik ruhunda tərbiyə olunmasında, terror və işğalı özünün həyat tərzinə çevirməsində əvəzedilməz rolu vardır. SİA bu mövzuda “Caliber” analitik informasiya mərkəzinin hazırladığı maraqlı bir məqaləni oxucularına təqdim edir.
Errməni Apostol Kilsəsi öz “mənəvi” xüsusiyyətlərinə uyğun şəkildə yeni bir açıqlama verib. Daha doğrusu, 3-cü Ordu Korpusunun keçmiş komandiri Qriqori Xaçaturova müraciət ünvanlayan Tavuş yeparxiyası. Ermənistandakı erkən parlament seçkilərindən bir az əvvəl hökumət başçısı Nikol Paşinyana qarşı bir bəyanat imzalayan generallar arasında olan və bu seçkilərdə hakim “Vətəndaş Sazişi” partiyasının qələbə qazanmasından sonra vəzifəsindən azad edildi.
Yeparxiyanın müraciəti, keçən il iyul ayında Ermənistan-Azərbaycan sərhədində gərginliyin artması zamanı Xaçaturovun "müstəsna əmri altında" əldə edildiyi iddia edilən "qələbə" ilə əlaqədar qeyri-adekvat "xatirələrlə" doludur. Tarixə belə ekskursiya tamamilə yalan və qəbuledilməzdir. Azərbaycanın 44 günlük Vətən Müharibəsindəki qələbəsinin müqəddiməsinə çevrilən 2020-ci il iyul döyüşləri dövründə, ölkəmizin Silahlı Qüvvələri öz dövlətlərinin dövlət sərhədlərinin qorunmasını təmin edərək düşmən mövqelərinə sarsıdıcı zərbələr endirdi.
Ancaq Erməni Apostol Kilsəsinin Tavuş yeparxiyasının müraciəti, bir fenomen kimi uzun müddət erməni düşüncəsinin ayrılmaz bir xüsusiyyətinə çevrilmiş bu açıq saxtalaşdırma üçün çox praktik xarakterli bir fantaziya uçuşu olaraq çox diqqətəçəkəndir. Beləliklə, erməni kilsəsi üzvləri Xaçaturova “dövlətin sərhədlərini genişləndirən” “həqiqi hərbçi” kimi təşəkkür etdilər və onun hələ də “erməni qələbələrinə” rəhbərlik edəcəyinə ümid etdiklərini bildirdilər.
"Sərhədin genişləndirilməsinə" bənzər bir paneqriklə, erməni ruhaniləri, əslində, 30 il davam edən Azərbaycan ərazilərinin işğalı ilə, erməni ekspansionizminin əsas ilhamvericisi və dirijoru olduqlarını bir daha təsdiqlədilər. Əsrlər boyu qonşularına, ilk növbədə, türklərə və azərbaycanlılara qarşı kütlənin şüuruna nifrət aşılayan cinayətkar təşkilat olan Erməni Apostol Kilsəsinin dəyişməz mahiyyəti budur. Terror, türk-müsəlman əhalinin kütləvi şəkildə qırılması, etnik təmizlənmə, Azərbaycan və İslam mədəniyyəti abidələrinin sistematik şəkildə məhvi - "uzun müddət əziyyət çəkən qədim insanlar"ın bətnindən çıxanların "nailiyyətlər"inin natamam siyahısıdır.
Sülh və dostluğu deyil, müharibəni və təcavüzü, ölkələrin ələ keçirilməsini və mifik “Böyük Ermənistan”ın yaradılması yolunda dayanan xalqların məhv edilməsini təbliğ edən Erməni Apostol Kilsəsi Qarabağ münaqişəsinin birbaşa təhrikçilərdən biri oldu. Kilsə təbliğat maşını üçün qürur mövzusuna çevrilmiş erməni milli keşişlərinin avtomat silahlarla gəzməsini, yalnız milliyyətinə və dinlərinə görə günahsız azərbaycanlıları öldürməyə hazır olduqlarını göstərən şəkillər kimi təəccübləndirər ki? Yalnız saxta tarixi əsərlər deyil, həm də hərbi anbarlara çevrilmiş məbədlər də Erməni Apostol Kilsəsinin vizit kartıdır ...
Erməni Apostol Kilsəsinin bu cinayətkar siyasətinin nəticələri bir daha 2020-ci ilin payızında erməni-qriqorian kütləsini alçaldıcı məğlubiyyətə məruz qoydu. Ancaq indi də, xalqını kədərə və fəlakətə məhkum edən erməni ruhaniləri təcavüzkar Ermənistanın sarsıdıcı məğlubiyyətindən sonra, hələ də xristian təvazökarlığından, qonşularına mərhəmətdən, elementar bir ədalət hissindən uzaqdırlar. Və onların qələmindən qaynaqlanan "qələbələr" və "sərhədlərin genişlənməsi"nin kinayəli pafosu, təəssüf ki, erməni ictimaiyyətini yeni bir qırğına sürükləyir.
Əsrlərdir davam edən xalqlar arasında düşmənçilik və nifrət salmaq ənənəsinə sadiq qalaraq, Erməni Apostol Kilsəsi hərtərəfli regional sülhün qarşısındakı ən ciddi əngəllərdən birini təmsil edir. Çünki tarixən tamamilə əks məzmunun kateqoriyalarına və dəyərlərinə sadiqliyini sübut etmiş bu təşkilatı narahat edən sülhün və mehriban qonşuluğun perspektivi deyil.
Tərcümə - Elçin Bayramlı
Yazı Azərbaycan Respublikasının Medianın İnkişafı Agentliyinin maliyyə dəstəyi ilə "Ermənistan-Azərbaycan, ərazilərin işğaldan azad olunması haqqında həqiqətlərin dünya ictimaiyyətinə çatdırılması, Azərbaycanın ədalətli mövqeyinin müdafiə edilməsi" istiqaməti çərçivəsində hazırlanıb.
Bütün xəbərlər Facebook səhifəmizdə
USD
EUR
GBP
RUB