Ekologiya və Təbii Sərvətlər Nazirliyinin (ETSN) elektron poçt ünvanına Mil-Muğan və Baş Şirvan kollektorlarında qanunsuz olaraq balıqların ovlanması ilə bağlı daxil olmuş şikayət nazirliyin əməkdaşları tərəfindən yerində araşdırılıb. ETSN mətbuat xidmətindən SİA-ya verilən məlumata görə, aprelin 28-30-da Salyan və Neftçala rayonları ərazisində Mil-Muğan və Baş Şirvan kollektorlarının Xəzər dənizinə çıxış hissəsinə yaxın yerlərdə keçirilmiş reydlər zamanı 13 sahibsiz qayıq və 15 ədəd tor aşkar edilib.
Aşkar olunmuş qayıqların sahiblərinin şəxsiyyətlərinin müəyyənləşdirilməsi və qanunu pozmuş vətəndaşlar barəsində qanunamüvafiq tədbirlərin görülməsi sahəsində işlər davam etdirilir. Mayın 11-də Baş Şirvan kollektorunun Bakı şəhərinin Qaradağ rayonu ərazisində keçirilən növbəti reyd zamanı isə Salyan rayonu Qarabağlı kənd sakini Zülfü Nuriyev torla qanunsuz balıq tutarkən nazirliyin əməkdaşları tərəfindən saxlanılıb və inzibati qaydada məsuliyyətə cəlb olunub. Nazirliyin əməkdaşları tərəfindən reydlər davam etdirilir.
Bütün xəbərlər Facebook səhifəmizdə
USD
EUR
GBP
RUB
