“Paşinyan və Əliyev ABŞ-da görüşə bilərlər”. SİA xəbər verir ki, bu barədə Ermənistanın “Novosti-Armeniya” saytı yazır. “İki ölkə liderlərinin görüşləri XİN rəhbərlərinin Münxendəki görüşündən sonra olacaq”, deyə erməni saytı qeyd edir.
“16-17 fevralda Münxendə keçiriləcək təhlükəsizlik konfransı çərçivəsində Ermənistan və Azərbaycan XİN rəhbərlərinin - Zoqrab Mnatsakyan və Elmar Məmmədyarovun görüşü planlaşdırılır”, deyə verilən məlumatda digər erməni nəşri “Hraparak”a da istinad olunub: “Bundan sonra Ermənistanın baş naziri Nikol Paşinyanla Azərbaycan Prezidenti İlham Əliyevin ABŞ-da görüşü gözlənilir”.
Bununla yanaşı, Nikol Paşinyanın mətbuat katibi Vladimir Karapetyan bəyan edib ki, bu barədə hər hansı bir məlumata malik deyil.
Bütün xəbərlər Facebook səhifəmizdə
USD
EUR
GBP
RUB