Nazir müavini Travmatologiya İnstitutunun binasında baş vermiş yanğınla bağlı açıqlama verdi - AÇIQLAMA
Ü.Hacıbəyov 5 ünvanında (Travmatologiya İnstitutunun binası) baş vermiş yanğın barəsində fövqəladə hallar nazirinin müavini Etibar Mirzəyev açıqlama verib. SİA-nın məlumatına görə, o, bu gün saat 09:55-də Fövqəladə Hallar Nazirliyinin (FHN) 112 və 101 xidmətinə Səbail rayonunun Ü.Hacıbəyov 5 ünvanında fəaliyyəti dayandırılmış, hazırda təmir işləri aparılan Travmmatologiya İnstitutunun binasında yanğın baş verdiyi haqqında məlumat daxil olduğunu bildirib.
Nazir müavini FHN-nin yanğından mühafizə xidmətinin dərhal hadisə yerinə hərəkətə başladığını və yanğının məhdudlaşdırıldığını qeyd edib. "Yanğının sahəsi 800-1000 kvadrata qədərdir. Xəsarət alan yoxdur. Bir qadın FHN-nin əməkdaşları tərəfindən evindən çıxarılıb. Ona yardımlar göstərilib. Yanğının səbəbləri araşdırılır. Yanğın 1 saat 10 dəqiqə davam edib. Hadisə yerinə 25-dən artıq yanğınsöndürmə texnikası cəlb olunub. Texnikaların hadisə yerinə gəklməsinə tıxaclar, yolun sağında və solunda avtomobillərin saxlanılması çətinlik yaradıb. Buna baxmayaraq, əməkdaşlarımız hadisə yerinə vaxtında gəliblər".
Bütün xəbərlər Facebook səhifəmizdə
USD
EUR
GBP
RUB