Sabah Azərbaycanın iki hərbçi gizir Mübariz İbrahimov və zabit Fərid Əhmədovun meyiti Azərbaycana qaytarılacaq. Bu barədə məlumatı SİA-ya Əsir və itkin düşmüş, girov götürülmüş vətəndaşlarla əlaqədar Dövlət Komissiyasından bildirilib.
Əməliyyat noyabrın 6-da saat 16:00 radələrində Ağdam istiqamətində baş tutacaq.
Azərbaycan tərəfi isə onlara itikin düşmüş erməni Arustamyan Qavruşa Xaçaturoviçin meyitini təhvil verəcək.
Qeyd edək ki, gizir Mübariz İbrahimov bu il iyunun 18-də, zabit Fərid Əhmədov isə sentyabrın 4-də cəbhənin Tərtər istiqamətində düşmənin hücumunu dəf edərkən qəhrəmancasına şəhid olublar. Prezident İlham Əliyevin sərəncamı ilə M. İbrahimova Azərbaycanın Milli Qəhrəmanı adı verilib.
Bütün xəbərlər Facebook səhifəmizdə
USD
EUR
GBP
RUB