Azərbaycanda gənc ailələrə xüsusi güzəştlərin verilməsini nəzərdə tutan qanun layihəsi hazırlanıb. SİA-nın məlumatına görə, bunu Milli Məclisin Sosial siyasət komitəsinin sədr müavini Musa Quliyev trend-ə açıqlamasında bildirib. Millət vəkili qeyd edib ki, "Gənc ailənin sosial müdafiəsi haqqında" qanun layihəsinin ilkin variantı hazırdır.
Gənc ailənin dövlət dəstəyinə ehtiyacı olduğunu vurğulayan M.Quliyev bildirib ki, layihədə onların mənzil-məişət şəraitinin yaxşılaşdırılması, ev əldə etməsi üçün güzəştli ipoteka kreditlərinin verilməsi, güzəştli şərtlərlə torpaq sahələrinin ayrılması, iş yerləri ilə birinci növbədə təmin olunmaları, güzəştli şərtlərlə ev əşyaları alınması məsələləri əksini tapıb.
Komitənin sədr müavini bildirib ki, bu güzəştlərin yaşı 35-dək olan gənclərin ailələrinə şamil olunması nəzərdə tutulur.
M.Quliyev bildirib ki, qanun layihəsi parlamentin payız sessiyasında müzakirəyə çıxarılacaq.
Bütün xəbərlər Facebook səhifəmizdə
USD
EUR
GBP
RUB