"Azərbaycan xalqı 8 Noyabr Zəfər Gününü yalnız hərbi qələbə olaraq deyil, həm də tarixi ədalətin bərpası, milli qürurun və dövlətçilik iradəsinin təntənəsi kimi qeyd edir. Eləcə də, otuz ilə yaxın işğal altında qalan torpaqlarımızın azad edilməsi və Qarabağ həqiqətlərinin beynəlxalq səviyyədə tanıdılması bu günün dərin mənəvi-siyasi məzmununu formalaşdırır. Heç şübhəsiz ki, qələbəmiz sadəcə bir savaşın nəticəsi deyil, eyni zamanda Azərbaycan dövlətinin siyasi iradəsinin, ordusunun peşəkarlığının və xalq-dövlət birliyinin parlaq göstəricisidir. 44 günlük Vətən müharibəsi dövründə Azərbaycan xalqı Ali Baş Komandan İlham Əliyevin rəhbərliyi altında vahid məqsəd uğrunda birləşdi". Bu sözləri SİA-ya açıqlamasında politoloq Aytən Qurbanova deyib.
Onun sözlərinə görə, cənab Prezident İlham Əliyevin uzaqgörən siyasi strategiyası, müdrik diplomatik addımları və informasiya müharibəsindəki qətiyyətli mövqeyi sayəsində hərbi cəbhədəki uğurlar diplomatik müstəvidə də möhkəmləndirildi: "Bu siyasətin nəticəsində Azərbaycanın haqlı mövqeyi beynəlxalq aləmdə qəbul olundu, regionda yeni geosiyasi reallıq formalaşdı və ölkəmiz Cənubi Qafqazın əsas təhlükəsizlik dayaqlarından birinə çevrildi. Zəfər günü eyni zamanda post-müharibə mərhələsinin başlanğıc nöqtəsi olaraq da qeyd edilə bilər. Digər tərəfdən isə Azad edilmiş ərazilərimizdə həyata keçirilən “Böyük Qayıdış” proqramı, şəhərsalma və infrastruktur layihələri, ağıllı kənd və şəhər konsepsiyaları Azərbaycanın yenidənqurma və sülh quruculuğu modelini formalaşdırır. Bu proses yalnız iqtisadi dirçəliş deyil, eləcə də dinc inkişaf, regional əməkdaşlıq və ədalətli sülhün möhkəmləndirilməsi məqsədi daşıyır. Beləliklə də, Azərbaycan öz Zəfərini revanşizm vasitəsinə deyil, sabitliyin və tərəfdaşlığın təməl prinsipinə çevirib.
Hərkəsə məlumdur ki, Vətən müharibəsindəki üstünlüyümüz təsadüfi amillərlə deyil, sistemli hərbi modernləşmə, texnoloji yenilənmə və strateji düşüncə ilə təmin edilib. İlk növbədə onu qeyd etmək lazımdır ki, Azərbaycan ordusu müharibə zamanı müasir döyüş texnologiyalarını inteqrasiya edən model tətbiq etdi. Dron və pilotsuz uçuş aparatlarının kəşfiyyat və zərbə əməliyyatlarında istifadəsi hərbi əməliyyatların taktiki gedişatını köklü şəkildə dəyişdi. Türkiyə istehsalı olan Bayraktar TB2 dronları, İsrailin kamikadze sistemləri və kəşfiyyat avadanlıqları düşmənin hava hücumundan müdafiə sistemlərini sıradan çıxardı və ordunun hərəkət planlarını iflic etdi. Bu da öz növbəsində klassik müharibə üsullarından fərqli olaraq, “ağıllı müharibə” modelinin regional miqyasında ilk tətbiqi kimi tarixə düşdü. Həmçinin Azərbaycan Silahlı Qüvvələrinin müasir komanda-idarəetmə sistemi və operativ qərarvermə mexanizmi ilə fərqləndiyini aydın şəkildə ifadə etmək mümkündür. Müharibə zamanı döyüş əməliyyatları mərkəzləşdirilmiş şəkildə koordinasiya olunur və kəşfiyyat məlumatları dərhal təhlil edilərək əməliyyatlara tətbiq edilirdi. Şübhəsiz ki, bu taktiki çevikliyin və dəqiqliyin təminatına çevrilən önəmli məqamlardan biridir.
Onu da mütləq şəkildə qeyd etmək lazımdır ki, Azərbaycan əsgəri Vətən uğrunda döyüşün mənəvi motivasiyası ilə yüksək birlik və həmrəylik nümayiş etdirərək düşmən üzərində mütləq qələbə qazanmağa müvəffəq oldu. Şəhidlik ideyasına sadiqlik, xalq-dövlət birliyi və xalqın ordusuna sonsuz dəstəyi döyüş meydanında mənəvi qələbəni təmin edən əsas təsiredici məqamardır. Azərbaycan yalnız hərbi deyil, həm də informasiya və diplomatik cəbhədə də üstünlük qazandı. Dövlətimizin beynəlxalq hüquq normalarına əsaslanaraq ərazi bütövlüyümüzü bərpa etmək üçün atdığı bütün addımlarda xarici təzyiqlərlə təkbaşına mübarizə apararaq suveren qərarvermə prinsipindən heç vaxt geri çəkilmədi. Eyni zamanda, informasiya təhlükəsizliyi sahəsində aparılan məqsədyönlü işlər dezinformasiya cəhdlərinin qarşısını aldı və beynəlxalq ictimaiyyətin obyektiv məlumatlandırılmasına şərait yaratdı. Məhz bu nöqteyi-nəzərdən yanaşdıqda, Zəfər günü sadəcə bir tarix deyil, Azərbaycanın yeni mərhələyə qədəm qoyduğu, milli ruhun və dövlətçilik ideyasının zirvəyə ucaldığı gündür. Bu gün milli həmrəyliyin, qürurun, suverenliyin və gələcəyə inamın rəmzidir. Zəfərimiz Azərbaycan xalqının əzmini və dövlətimizin müdrikliyini dünyaya nümayiş etdirən tarixi hadisədir".
Bütün xəbərlər Facebook səhifəmizdə
guhu.jpg)
.jpg "Ramiz Mehdiyevin Vəkilləri ŞİKAYƏTİ GERİ ÇƏKDİ - ŞOK SƏBƏB!")
USD
EUR
GBP
RUB