Koronavirusun daha bir simptomu aşkarlanıb

10 İyul 2022 06:40 | 3 213

Böyük Britaniyadan olan immunoloqlar COVID-19-un daha bir simptomunu aşkar ediblər. Professor Luke O'Neill gecə tərləmələrinin koronavirus xəstəliyinə işarə etdiyinə inandığını ifadə etdi

SİA-nın rus saytlarından əldə etdiyi məlumata görə, bu barədə Britaniyanın “The Sun” nəşri yazıb.

Mütəxəssis qeyd edir ki, COVID-19-un simptomu yalnız çox güclü tərləmə hesab edilməlidir ki, bu zaman həm yataq paltarları, həm də yataq dəstləri islanır. Həm böyüklər, həm də uşaqlar bu simptoma eyni dərəcədə həssasdırlar. Eyni zamanda, artan tərləmə heç bir şəkildə bədən istiliyinin artması ilə əlaqəli deyil.

Professor Luke O'Neill onu da bildirib ki, bu əlamət omikron ştammının son versiyası üçün xarakterikdir. O, COVID-19-un yeni simptomlarının immun sisteminin virusun yeni mutasiyaya uğramış versiyası ilə görüşməsinin nəticəsi olduğunu irəli sürür. Mütəxəssis əmindir ki, bu səbəbdən xəstəliyin yenilənmiş variantları ortaya çıxır.

Qeyd edək ki, bir müddət bundan əvvəl Ümumdünya Səhiyyə Təşkilatının rəhbəri Tedros Adhanom Qebreyesus dünyada koronavirusa yoluxanların sayında kəskin artım olduğunu bildirib. Onun sözlərinə görə, təkcə son iki həftədə bu rəqəm təxminən 30 faiz artıb.

Ağasəf Babayev

WhatsApp-da Səs Media Qrupu kanalını izləyin