Azərbaycan Respublikasının Mərkəzi Bankı nağd pulla bağlı biznes proseslərinin avtomatlaşdırılması səviyyəsinin yüksəldilməsi və modernizasiyası istiqamətində tədbirləri davam etdirir.
AMB-dən SİA-ya verilən məlumata görə, bununla əlaqədar ölkə ərazisində fəaliyyət göstərən kommersiya bankları və poçt rabitəsinin milli operatorunun nümayəndələri ilə birlikdə Mərkəzi Bankda görüş keçirilib. Görüş zamanı Mərkəzi Bankda tətbiq edilən və bütövlükdə bank sektorunu əhatə edən tam avtomatlaşdırılmış “Nağd pulun idarəetmə sistemi”ndə (CMS) yaradılmış yeni imkanlar və texnoloji məhsullar barəsində təqdimat keçirilib.
Bildirildi ki, sistemin tətbiqi nağd pulla əməliyyatların avtomatlaşdırılmasına və elektron identifikasiyasına, məlumatların təhlükəsizliyinin təmin olunmasına və risklərin minimallaşdırılmasına və bütövlükdə idarəetmənin effektivliyinin yüksəldilməsinə imkan vermişdir. Xüsusilə qeyd olundu ki, Azərbaycan Mərkəzi Bankının bu təcrübəsi beynəlxalq konfraslar və görüşlər çərçivəsində nümayiş etdirilmiş, müxtəlif ölkələr tərəfindən yüksək maraqla qarşılanıb.
Görüşdə həmçinin nağd pul tədavülünün effektiv təşkili, dövriyyənin yüksək keyfiyyətli pul nişanları ilə təmin olunması və saxtalaşdırmaya qarşı mübarizənin gücləndirilməsi ilə əlaqədar məsələlər müzakirə olunub və müvafiq tövsiyələr verilib.
Bütün xəbərlər Facebook səhifəmizdə
USD
EUR
GBP
RUB