Əmlak Məsələləri üzrə Dövlət Komitəsi (ƏMDK) bu il elektron xidmət formasını daha da genişləndirəcək. SİA-nın məlumatına görə, komitənin həyata keçirəcəyi bu və digər yeniliklər barədə Mingəçevir şəhərində təşkil olunan seminar-müşavirədə məlumat verilib. Vətəndaşlara şəffaf, çevik və səmərəli xidmət göstərmək məqsədilə ƏMDK 2012-ci ildən etibarən xidmətlərini elektron formaya keçirməyə başlayıb. Hazırda komitədə 40 xidmətdən 16-sı elektrondur. Qısa vaxt ərzində daşınmaz əmlakın dövlət reysterindən çıxarışın, məhdudiyyət arayışının, daşınmaz əmlak obyektlərinin ünvanları barədə arayışın alınması, ipotekanın və lizinqin qeydiyyatı üçün elektron xidmətlər üzrə 9 mindən artıq müraciət daxil olub.
Məlumata görə, daha bir yenilik komitənin Ədliyyə Nazirliyi ilə birgə həyata keçirdiyi onlayn xidmətidir. Bu mexanizmə əsasən vətəndaşlar əmlaklarının alqı-satqısı zamanı tələb olunan yükliyə - forma 1 arayışlarını natariuslardan onlayn rejimdə ala biləcəklər.
Ən son yenilik isə asan xidmətlə bağlıdır. Bundan başqa vətəndaşlar daşınmaz əmlakın alqı-satqısı zamanı natariuslar tərəfindən təsdiq olunan müqavilələri, xidmət ödəniş sənədlərini onlayn qaydada əmlak komitəsinə ötürə biləcəklər. Sözügedən sistemlərin yaxın günlərdə istifadəsi planlaşdırılır.
Şamxal Cəliloğlu, Mingəçevir
Bütün xəbərlər Facebook səhifəmizdə
USD
EUR
GBP
RUB