"Sanksiyalar təbii olaraq ikitərəfli təsirə malikdir. Hər hansı bir dövlətə tətbiq edilən sanksiyalar, onunla iqtisadi münasibətdə olan digər ölkələrə də mənfi təsir göstərir. Bu təsir xüsusilə ticarət dövriyyəsində daha aydın şəkildə müşahidə olunur". Bu sözləri SİA-ya açıqlamasında iqtisadçı ekspert Eldəniz Əmirov deyib.
Onun sözlərinə görə, qloballaşan müasir dünyada istənilən dövlət, adətən 100-dən artıq ölkə ilə iqtisadi əlaqələrə malikdir: "Bu səbəbdən bir dövlətə tətbiq edilən sanksiyalar, dolayısı ilə digər ölkələrin də iqtisadi maraqlarına mənfi təsir göstərir.
Hətta ABŞ kontekstində baxıldıqda, sanksiya tətbiq edilən ölkələrin iqtisadi aktivliyinin azalması və yaranan problemlər, müəyyən mənada ABŞ iqtisadiyyatına da təsir göstərir. Lakin etiraf edilməlidir ki, sanksiyaların yaratdığı təsirlər bütün tərəflər üçün eyni səviyyədə olmur. Sanksiyalara məruz qalan ölkə adətən daha ciddi və dərin təsirlərlə üzləşir; nəticədə onun iqtisadi sistemi zamanla zəifləyir və funksionallığını itirə bilər.
Nisbətən zəif iqtisadi struktura malik ölkələr bu təsirləri daha sürətli şəkildə hiss edirlər. Bununla belə, müəyyən iqtisadi və strateji resurslara sahib olan ölkələr belə, ilkin mərhələdə müqavimət göstərsələr də, uzunmüddətli dövrdə sanksiyaların mənfi təsirləri onların iqtisadiyyatında özünü büruzə verir"- deyə o əlavə edib.
Bütün xəbərlər Facebook səhifəmizdə
USD
EUR
GBP
RUB